Байгууллага үүсгэж байна. Та 60 хором хүлээнэ үү.
Байгууллага үүсгэж байх хугацаанд уг цонхыг хаахгүй байхыг хүсье.
0%
Эрхэт Онлайн Санхүүгийн Програм нь Монгол Улсын Сангийн Яамны зөвшөөрөлтэй програм юм. Эрхэт онлайн санхүүгийн програм нь албан ёсны зохиогчийн эрхийн гэрчилгээтэй програм хангамж.
Эрхэт Онлайн Санхүүгийн Програм нь АХМАД САНХҮҮЧДЫН ТУРШЛАГА, ШИНЭ ҮЕИЙН ТЕХНОЛОГИЙГ ХОСЛУУЛСАН цорын ганц програм юм.
Эрхэт Онлайн Санхүүгийн Програм “Монгол Улсад Жижиг, Дунд Бизнесийн Нягтлан Бодох Бүртгэлийн Аргаар Чадавхижуулах Үндэсний Хөдөлгөөн”-ийг санаачлан, 2014 оноос эхлэн өрнүүлж байна
Эрхэт Онлайн Санхүүгийн Програм Төрийн Бус Байгууллагын тайлан гаргадаг функцыг Монгол Улсад анх удаа нэвтрүүлсэн.
Эрхэт Онлайн Санхүүгийн Програм нь оюутан, залуусыг ДЭВШИЛТЭТ НЯГТЛАН БОДОГЧ болоход нь туслах зорилгоор их, дээд сургуулиудын сургалтын хөтөлбөрт ашиглагдах шалгалтын функцыг нэвтрүүлсэн.
Та Эрхэт Онлайн Санхүүгийн Програмд найзаа урисанаар өөрийн гүйлгээний эрхээ нэмэх боломжтой.
Бид танд зөвхөн програмаа санал болгоод зогсохгүй хэрхэн ашиглах заавар, тусламжийг өгөх зорилгоор ЭРХЭТ ЗӨВЛӨЖ БАЙНА сургалтыг 7 хоног бүрийн Мягмар, Баасан гарагуудад тогтмол зохион байгуулж байна.
ЭРХЭТ ОНЛАЙН САНХҮҮГИЙН ПРОГРАМД ТАВТАЙ МОРИЛНО УУ

Цалингийн тооцоо, цалингийн гүйлгээ хэрхэн хийх вэ?

Байгууллагын ажилчдын цалинг тооцоолж, албан суутгалуудыг суутгаж гарт олгох цалинг тооцоолохоос гадна холбогдож журналын бичилтүүдийг хэрхэн хийх тухай.

Цонх дуудах дараалал: Үндсэн цэс > Цалин >

Дараах Өмнөх Хаах Томоор харах

Цалин цэсээр орж цалин бодогдсон түүхийг харуулсан жагсаалт руу очно. Жагсаалтаас тухайн мөр цалингийн тооцоог доорх зааврын дагуу удирдана.

  • Тооцоо - Үндсэн цалинг тооцож, бусад олговор, нэмэгдэл зэргийг нэмэхээс гадна албан суутгал(НДШ, татвар)-г тооож хасна. Эцэст нь тохирох журналын бичилтүүдийг хийнэ.
  • XML татах -Тухайн цалингийн тооцооны мэдээллийг Нийгмийн даатгалын сайтанд импортлох мэдээллийг татаж авна.
  • Устгах - Тухан цалингийн тооцоог устгах холбоос.

Шинээр цалингийн тооцоо үүсгэх бол Шинэ цалингийн тооцоо үүсгэх товчийг ашиглана.

Цалингийн тооцоог хэрхэн хийх тухай дараах зургуудаас харна уу. Цалингийн тооцоог Үндсэн цалин, Олговор, Нэмэгдэл, Албан татвар гэсэн таб хэсгүүдэд хувааж үзнэ. Хэсэг бүрт цалин тооцох ажилтнуудаар мөрүүд, Цалингийн үзүүлэлтүүдээр баганууд тодорхойлогдоно. Эдгээр таб хэсгүүдтэй тус тус хэрхэн ажиллах тухай дараа дараагийн зургуудаар авч үзье.

Цалин шинээр нэмэхэд эхлээд доорх зураг бүхий тухайн цалингийн тохиргоог тохируулдаг. Жижиг асуултын тэмдэг дарж талбар бүрийн тайлбарыг уншина. Он сарыг оруулахаас гадна тухайн сард мөрдөгдөх хуулийн заалтыг тусгадаг.

Таб хэсэг бүрт харагдах талбарууд:

  • Овог нэр - Ажилтны овог нэр
  • ОТЦ (Олгохоор тооцсон цалин) - Бүх таб хэсгээс тооцогдсон дүн
  • Урьдчилгаа цалин - Урьдчилгаа цалинг бодоход уг талбарт бөглөнө. Ажилтны мэдээлэл дээр урьдчилгааг тохируулсан байдаг. Урьдчилгааны журналын бичилтийг баруун дээр байрлах гүйлгээ товчноос урьдчилгаа гүйлгээ товчийг ашиглана.
  • Гарт олгох - ОТЦ-н цалингаас татвар, НДШ-ийг суутгаад урьдчилгаа дүн байвал хасаад гарт олгох цалин

Үндсэн цалин - Үндсэн цалингийн тооцоог хийх талбарууд:

  • Үндсэн цалин - Ажилтан бүртгэхдээ тохируулсан үндсэн цалин дуудагдана. Тухай бүртээ засаж болно. Магадгүй үндсэн цалин тодорхойгүй бол 0-р бүртгэж болно.
  • Гүйцэтгэвэл зохих - Цагаар, хоногоор эсвэл нарядаар аль тохиолдлоор цалинг тооцоолдог байсан уг талбарт ажлын нормыг хүссэн нэгжээр үнэлж бичнэ.
  • Гүйцэтгэсэн - Гүйцэтгэвэл зохих талбарт тохируулсан нормыг гүйцэт биелүүлсэн эсэхээс хамаарч уг талбарт бичнэ. Жишээлбэл сард 160 цаг ажиллах ёстойг гүйцэтгэвэл зохих дээр тохируулан бүртгээд тухайн хүн тухайн сард 170 сар ажилласан бол уг талбарт 170 гэж бүртгэнэ.
  • Нэгж үнэлгээ - Үндсэн цалин тодорхой бол гүйцэтгэвэл зохих(норм)-д харьцуулагдан тооцогдоно. Харин үндсэн цалин 0 бол нэгж үнэлгээг гараас бөглөнө. Ингэхдээ гүйцэтгэвэл зохих талбарт бөглөсөн утгын нэгжийн үнэлгээг бичнэ. Жишээлбэл цагаар бол нэг цагийн үнэлгээ, хоногоор бол нэг хоногийн цалин, нарядаар бол нэгж ажлын үнэлгээг бүртгэнэ.
  • Бодогдох үндсэн - Гүйцэтгэвэл зохих норм болон гүйцэтгэсэн үнэлгээ болон нэгж үнэлгээнээс хамаарч бодогдох үндсэн цалин тодорхойлогдоно.
  • Илүү гүйцэтгэл - Нормоос давуу биелэлттэй бол уг талбарт дүн татагдана. Уг дүн дээр хоёр дарж илүү биелэлтийг амралтын өдөр эсвэл баярын өдөр гүйцэтгэснээс хамаарч тохирох хувиар ахиулж тооцно.
  • Амралтын өдрөөр - Илүү гүйцэтгэлийн туслах хэлбэр болно. Илүү гүйцэтгэлийг амралтын өдөр гүйцэтгэсэн (ажилласан) бол хоёр даран дуудагдах цонхоор тооцогдоно.
  • Баярын өдрөөр - Илүү гүйцэтгэлийн туслах хэлбэр болно. Илүү гүйцэтгэлийг баярын өдөр гүйцэтгэсэн (ажилласан) бол хоёр даран дуудагдах цонхоор тооцогдоно.

Тохиргоо шинэчлэснээс өмнөх саруудын цалин өмнөх тохиргоогоор хадгалагсдан байдаг. Тухайн цалин бодолт анх үүсэхдээ бүх тохиргоог тухайн үеийнхээр татаж авдаг. Тухайн цалин бодолтод хамааралтай тохиргоо шинэчилж, өөрчилсөн бол тохиргоо шинэчлэх товчийг ашиглан шинээр өөрчилсөн тохиргоог тухайн цалин бодолтод зөвөөр нөлөөлүүлнэ.

Тухайн ажилтан тухайн сарын цалин бодолтод оролцох ёсгүй боловч жагсаалтад туссан бол ажилтан бүрийн урд байрлах устгах холбоосоор жагсаалтаас хасна. Мөн шинээр нэмэгдсэн ажилтан тухайн сарын цалин бодолтод дуудагдаагүй бол Ажилтан дуудах товчийг ашиглаж жагсаалтад нэмнэ.

Цалин бодолттой холбоотой гүйлгээний мэдээллийг гүйлгээ товчийг ашиглан удирдана.

Олговор - Үндсэн цалин дээр нэмэлт олговортой ажилчдын олговрын тооцоог хийх талбарууд:

  • Амралтын мөнгө - Тухайн сард амралтаа авсан ажилчдын амралтын мөнгийг тооцно. Талбар дээр хоёр дарж дуудагдсан цонхонд тохирох мэдээллийг бөглөж тооцоог хийнэ.
  • Жирэмсний мөнгө - Тухайн сард дикретээ авсан ажилчдын олговрыг тооцно. Талбар дээр хоёр дарж дуудагдсан цонхонд тохирох мэдээллийг бөглөж тооцоог хийнэ.
  • Актны мөнгө - Тухайн сард өвчтөй байсан ажилчдын листний мөнгийг гараас оруулж бүртгэнэ. Жич: листний мөнгийг ажилтанд олгох дүнгээр бичнэ. Нийгмийн даатгалаас хүлээн авах, авсан дүнгээ журналын бичилтээр тусд нь бүртгэнэ.
  • Сул зогсолтын мөнгө - Сул зогсолтын нэмэлт олговор байвал шивж бүртгэнэ.

Аливаа олговор нь үндсэн цалин дээр нэмэгдэж Олгохоор тооцсон цалинд нөлөөлнө. Мөн даатгуулагчийн төрөл нь олговор төрөл бол үндсэн цалингийн тооцоо хийх шаардлагагүй зөвхөн олговруудын нийлбэрээр тооцогддог.

Цалингийн нэмэгдлүүдийг тохирох баганад дүн бүртгэнэ.

Албан татвар - Цалингийн албан суутгалын тооцоог хийх талбарууд

  • ЭМД НДШ ажил олгогчоос - Ажил олгогчоос олгодог НДШийн дүн Олгохоор тооцсон цалингаас автоматаар бодогдоно. Хувь хэмжээг тухайн ажилтны даатгуулагчийн төрөл дээр тохируулдаг.
  • ЭМД НДШ даатгуулагчаас - Ажилтны цалингиаас суутгаж авах НДШийн дүн Олгохоор тооцсон цалингаас автоматаар бодогдоно. Хувь хэмжээг тухайн ажилтны даатгуулагчийн төрөл дээр тохируулдаг.
  • ХХОАТ - Ажилтны цалингаас суутгаж авах Татварын дүн Олгохоор тооцсон цалингаас автоматаар бодогдоно. Цалингийн тооцоо үүсгэхэд тохируулсан хувиар тооцно.
  • Суутгал - Албан суутгалаас гадна Байгууллагын хүрээнд хамаарах суутгалын дүнг гараас бүртгэнэ. Жишээлбэл фондны мөнгө эсвэл ажилтнаас авах авлагын буурах дүнг бүртгэж болно.
  • Хязгаар - Хөдөлмөрийн хөлсний доод хэмжээнээс арав дахин илүү дүнгээс хэтэрсэн хэмжээний цалин авдаг ажилчдын хувьд даатгуулагчаас суутгаж авах дүнг хөдөлмөрийн хөлсний доод хэмжээгээр суутгадаг. Уг тохиргоог хязгаар тэмдэглэгээг сонгосноор тооцоолдог. Зарим тохиолдолд уг дүнд хүрээгүй цалин авдаг ч амралтын мөнгө зэрэг олговрын нийлбэр дүнгээр хэтэрсэн бол хязгаар бодох шаардлагагүй байдаг тул цалин бодогчийн сонголтоор зохицуулна.
  • Хөнгөлөлт - Татварын хуулиар ажилтны ХХОАТ-н дүнд хөнгөлөлт үзүүлдэг. Уг дүнг даатгуулагчийн төрөл дээр тохируулдаг.
  • Ногдох татвар - ХХОАТ-н дүнгээс хөнгөлөлтийг хассан буюу ногдох татварын дүн. Автоматаар тооцогдоно.
  • Гарт олгох - Олгохоор тооцсон цалингаас суутгал татварын дүнг хасч мөн урьдчилгаа цалин хадгалагдсан бол хасч үндсэн цалингаас гарт олгохыг тооцно. Уг талбар нь таб хэсэг бүрт харагдаж байдаг талбар.

Цалин тооцоолж дууссаны дараа гүйлгээ хийх товчоор холбогдох журналын бичилтүүдийг бүртгэнэ. Хийгдсэн гүйлгээг устгах бол гүйлгээ устгах товчийг ашиглана. Хийгдсэн гүйлгээг харахдаа Ажил гүйлгээнүүд холбоосыг ашиглана. Мөн урьдчилгаа цалингийн гүйлгээ хийх бол Урьдчилгаа гүйлгээ хийх товчийг, устгах бол Урьдчилгаа гүйлгээ устгах товчийг ашиглана. Харин таны тохируулсан цалингийн тохиргоонууд тухайн тооцоонд шинэчлэгдэхгүй бол Тохиргоо шинэчлэх товчийг ашиглана. Буцах холбоосоор цалингийн жагсаалтруу буцдаг.

Гүйлгээ - Сүүл гүйлгээ хийх товч дарахад доорх зураг бүхий цонх дуудагддаг. Уг цонхонд гүйлгээг хийгдэх огноог бүртгэнэ. Мөн олгосон эсэх сонголтыг тийм гэж сонговол цалингийн тооцоог үүсгээд, үүссэн тооцоог хааж мөнгөн зарлагын гүйлгээ бүгд шивэгдэнэ. Харин үгүй гэж сонговол зөвхөн цалингийн тооцоо үүснэ. Мөнгөн зарлага шивэгдэхгүй. Хадгалах товчоор баталгаажин гүйлгээ бүртгэгдэнэ.

Урьдчилгаа гүйлгээний хувьд зөвхөн гүйлгээ хийгдэх огноог тохируулдаг.

Анхаарах зүйлс

Цалингийн тооцоонд хамаарах ажилтанг Лавлах - Цалин гэсэн цэсээр орж бүртгэнэ. Мөн ажилтантай холбоотой бусад лавлах мэдээлэл болон гүйлгээний тохиргоог тохируулна. Цалингийн тооцоо болон гүйлгээ нь Лавлах - Цалин цэсэнд тохируулснаар гүйцэтгэдэг болно. Тохиргоог шинэчилсэн бол цалингийн гүйлгээний цонхонд байх Тохиргоо шинэчлэх товчийг ашиглана.

Урьдчилгаа цалинг тооцохдоо урьдчилгаа баганын дүнгээр тооцдог.