Эрхэт онлайн санхүүгийн програм - ГАРЫН АВЛАГА

Програмын айкон буюу арслан дээр дарж програм дээр ажиллах дараалал хэсэг рүү шилжинэ. Ажиллах дарааллын саарал хэсэгт шинэ байгууллага үүсгэх, ашиглахад бэлтгэх бүхий л тохиргоог тохируулна. Ногоон хэсэгт өдөр тутмын гүйлгээг бүртгэх холбоосууд байрлана.Цэнхэр хэсэгт тайлант улирлын төгсгөлд нэг удаа гүйцэтгэх гүйлгээнүүдийн холбоос байрлана. Хамгийн арын баганад Цалин, Тайлан, болон гүйлгээ бүртгэх явцад сонголтоор илрэх лавлах мэдээллийн удирдлагын хэсэг байна.

Дээд мөр нь үндсэн цэсийн мөр юм. Үндсэн цэсийн мөрийн баруун хэсэгт удирдлагын цэс байна.

Байшингийн дүрслэл бүхий цэс нь Байгууллагын удирдлагын цэс юм. Уг цэсээр хэрэглэгч өөрт хамааралтай байгууллагуудыг удирдана.

Араан дүрслэл бүхий цэс нь Байгууллагын тохиргоо цэс юм. Уг цэсээр сонгосон идэвхитэй байгууллагын хувьдахь тохиргоог удирдана.

Хүний дүрслэл бүхий цэс нь хэрэглэгчийн тохиргоо цэс юм. Уг цэсээр хувийн мэдээлэл, нууц үг солих зэрэг хэрэглэгч өөрийн дансыг удирдана.

Голд байрлах шуурхай холбоосын тухай дараагийн зургаар танилцуулна.

Нэмэх шуурхай цэс нь шууд журналын бичилт бүртгэх цонх дуудах хэрэгсэл. Заавал үндсэн цэсээр дамжилгүй, шууд гүйлгээ бүртгэхэд ашиглана.

Богц шуурхай цэс нь үйл ажиллагааны түүхийг харуулах хэрэгсэл. Хэрэглэгч өөрийн болон бусад уригдсан хэрэглэгчийн програм ашигласан байдлыг түүхчилэн үзэх боломж.

Асуултын тэмдэг шуурхай цэс нь Програм ашиглалтын явцад оператортой харьцах хэрэгсэл. Уг асуултын тэмдэг нь системээс таньд ирсэн шууданг харуулах бөгөөд мөн та системийн оператортой холбогдон асуудлаа тодруулах, асуулт асууж хариулт авах боломж.