Эрхэт онлайн санхүүгийн програм

Агуулга
Нэгдсэн видео гарын авлага
Импорттой холбоотой видео заавар
Эрхэт
Эхлэл
Тэмдэгтийн тайлбар толь
Байгууллага үүсгэх
Байгууллагын тохиргоо хийх
Үндсэн мэдээлэл
Дансны нэгдсэн төлөвлөгөө
Хэрэглэгч урих, хэрэглэгчийн эрх тохируулах
Хэрэглэгчийн дансны эрх тохируулах
Хэрэглэгчийн эрхийн төрөл удирдах
Эхний үлдэгдэл
Лавлах мэдээлэл
Ерөнхий журнал
Мөнгөн хөрөнгө
Авлага өглөг
Бараа материал
Үндсэн хөрөнгө
Тохиргоо бичилт
Мөнгөн хөрөнгийн ханш тэгшитгэл
Тооцооны ханшийн тэгшитгэл
Авлага өглөгийн хаалт
Бараа материалын өртөг тооцолт
Үндсэн хөрөнгийн элэгдэл байгуулах
Хаалтын бичилт хийх
Тайлан
Цалин
Видео гарын авлага

Мөнгөн хөрөнгийн гүйлгээг хэрхэн бүртгэх вэ?

Мөнгөн хөрөнгийн гүйлгээ буюу кассын орлого, зарлага болон харилцахын орлого, зарлагын гүйлгээг хэрхэн бүртгэх, мөнгөн хөрөнгийн гүйлгээний жагсаалттай хэрхэн ажиллах тухай.

Цонх дуудах дараалал: Үндсэн цэс > Мөнгөн хөрөнгө >

Дараах Өмнөх Хаах Томоор харах

Мөнгөн хөрөнгө цэсээр ороход нийт мөнгөн хөрөнгийн гүйлгээний жагсаалт руу очно. Жагсаалтын дээд хэсэгт хайлтын мөр байх бөгөөд бөглөгдсөн нүдээр жагсаалтаас шүүнэ. Жагсаалтыг эрэмбэлж харах бол эрэмбэлэх баганын толгой хэсэгт дарж өсөхөөр эсвэл буурахаар эрэмбэлнэ. Ногооноор хүрээлсэн мөнгөн хөрөнгийн гүйлгээ холбоосыг сунгаж зөвхөн кассын эсвэл зөвхөн харилцахын гүйлгээгээр ялгаж харж болно. Шинээр мөнгөн хөрөнгийн гүйлгээ бүртгэх бол шинэ товчийг ашиглана. Шинэ товч дарж касс харилцахаас сонгож гүйлгээ бүртгэх тохирох цонхыг дуудна. Мөн мөр бүрийн төгсгөлд байрлах засах болон устгах холбоосоор тухайн мөрийг засна. Принтерийн дүрслэл бүхий холбоосоор тухайн мөрийн анхан шатны баримтыг хэвлэхээр харна. Ямар хэлбэрээр зурагдахыг Байгууллагын тохиргоо - Баримтын тохиргоо хэсгээс тохируулна.

Мөнгөн хөрөнгийн гүйлгээний цонхтой хэрхэн ажиллах талаар кассын гүйлгээгээр жишээ авъя. Кассын орлого эсвэл зарлага болохыг улаанаар хүрээлсэн сонголтоор тодорхойлно.

Мөнгө хүлээж авч байгаа эсвэл мөнгө хүлээлгэн өгч буй харилцагчийг харилцагч талбараар сонгоно. Хэрвээ шинэ харилцагч нэмж дуудах бол харилцагч талбарын баруунд байрлах нэмэх товчоор шинэ харилцагч нэмнэ.

Тухайн кассын гүйлгээнд НӨАТ тооцох бол НӨАТ-тай эсэх сонголтыг ашиглаж доорх талбаруудыг нэмж дуудан НӨАТ-н үзүүлэлтийг сонгох шаардлагатай. НӨАТ-н үзүүлэлт нь НӨАТ-н тайлангийн аль мөрөнд татагдах ёстойг тохируулдаг. Мөнгөн хөрөнгийн гүйлгээнд Дүн талбарт НӨАТ орсон НӨАТ-тай дүнг бичдэг. НӨАТ-н падаан болон тооцсон НӨАТ хоорондоо орны нарийвчлалаар зөрвөл бодуулах сонголтыг болиулж гараар засах боломжтой.

Бусад талбарыг тохирох утгаар бөглөнө.

Тухайн гүйлгээний харилцсан данс тодорхой бол сонгоно. Тодорхойгүй эсвэл олон гүйлгээтэй харьцсан буюу нийлмэл гүйлгээ бол хоосон орхиж хадгална. Хэрэв нйилмэл гүйлгээ бол харилцсан дансыг хоосон орхиж хадгалахаас гадна хадгалсны дараа хадгалах товчны хажууд идэвхижих Гүйлгээний мэдээлэл товчийг дарж дараагийн хуудсанд очно. Уг хуудсанд байрлах Шинэ гүйлгээ товчийг ашиглан харилцсан буюу эсрэг талын холбогдох журналыг сонгох замаар ажил гүйлгээ болгоно.

Хадгалах товчийг дарж уг гүйлгээг хадгална. Уг гүйлгээ хадгалагдсанаар хадгалах товчны хажууд гүйлгээний мэдээлэл товч идэвхижих бөгөөд уг товч нь тухайн гүйлгээний ерөнхий журналруу хэрхэн туссаныг дэлгэрүүлэн харах боломжийг олгоно. Мөн хадгалаад дараагийн гүйлгээг шинээр бүртгэх бол хадгалаад нэмэх товчийг ашиглана. Хадгалаад мөнгөн хөрөнгийн гүйлгээний жагсаалтруу буцах бол хадгалаад буцах товчийг ашиглана.

Гадаад валютын гүйлгээг хэрхэн хийх тухай доорх зургаар харуулав. Огноо болон данс сонгогдсоноор тухайн дансны валютад харгалзах Төв банкнаас зарласан албан ханш татагдана.

Валютын дүн болон Төв банкны албан ханшны үрвэрээр дансны дебет эсвэл кредит төгрөгөн илэрхийлэл бодогдоно.

Валютын дүн, Албан ханш болон авалх / зарах ханшийн зөрүүний үржвэрээр нийт олз эсвэл гарз тодорхойлогдоно. Олз эсвэл гарз үүссэнээс хамаарч хэрэгжсэн ашиг алдагдлын дансыг сонгоно.

Уг жишээнд харьцсан данс сонгогдсон учир Амжилттай ажил гүйлгээ болж хадгалагдсан байна. Гүйлгээний мэдээлэл товчоор дансдын харьцааг ерөнхий байдлаар харж болно.

Гүйлгээний мэдээлэл товч дарснаар гарч ирэх цонхны зааврыг харуулав. Гүйлгээний мэдээлэл товч дарахад уг товчны оронд Ерөнхий мэдээлэл буюу цонхны мэдээлэл руу буцах товч идэвхижинэ.

Гүйлгээний мэдээлэл хэсэгт ерөнхий мэдээлэл цонхоор шивэгдсэн гүйлгээний ерөнхий журналд тусах дансны харьцааны мэдээллийг харуулна. Тухайн тохиолдолд уг гүйлгээ нь ажил гүйлгээ болоогүй байж болох бөгөөд ийм үед Шинэ гүйлгээ эсвэл Гүйлгээнээс, дуудах товчийг ашиглан бусад холбогдох баримтыг мэдээллийг дуудаж ажил гүйлгээ болгоно. Хөл дүнгээр балансаа барьж байвал ажил гүйлгээ болсонд тооцно.

Анхаарах зүйлс

Мөнгөн хөрөнгийн гүйлгээний жагсаалтад бүрэн ажил гүйлгээ болж амжаагүй мөнгөн хөрөнгийн баримт нь улаанаар ялгагдан харагддаг. Улаан мөр бүхий баримт нь ерөнхий журналын бүрэн бус баримтын жагсаалтад мөн харагдана. Мөнгөн хөрөнгийн дансдын тайланг харахдаа Тайлан цэсээр орон ерөнхий журналын тайлангаас харж болно.

Мөнгөн хөрөнгийн баримт үүсгэх болон ажил гүйлгээ болгох гарын авлага нь бусад баримтын хувьд ижил бүтэцтэй болно.

Эрхэт онлайн санхүүгийн програм - ГАРЫН АВЛАГА

Мөнгөн хөрөнгийн гүйлгээг хэрхэн бүртгэх вэ?

Анхаарах зүйлс