Эрхэт онлайн санхүүгийн програм - ГАРЫН АВЛАГА

Үндсэн хөрөнгө цэсээр ороход сонгогдсон тайлант үед хамаарах нийт үндсэн хөрөнгийн гүйлгээ шүүгдэнэ. Дээд мөрийн талбаруудыг бөглөх замаар нэмэлтээр шүүж харж болно. Жагсаалтын зүүн дээд хэсэгт байрлах үндсэн хөрөнгийн гүйлгээ цэсийг сунгаж үндсэн хөрөнгийн гүйлгээний жагсаалтын төрлийг солино.

Шинээр үндсэн хөрөнгийн гүйлгээ бүртгэх бол Шинэ товчийг даран, тохирох гүйлгээний төрлийг сонгоно. Мөн жагсаалтын мөр бүрийн төгсгөлд байрлах засах, устгах, болон хэвлэх товчоор тухайн баримтыг засч, устгахаас гадна холбогдох анхан шатны баримтыг хэвлэж харах боломжтой.

Үндсэн хөрөнгийн орлогын гүйлгээ хэрхэн бүртгэх тухай дараах зургаар харуулав. Цонхны ногоон хэсэгт баримтын мэдээллийг бүртгэнэ. Баримтын мэдээлэлд үндсэн хөрөнгийн нийлүүлэгч, огноо зэргийг тохируулна. Мөн НӨАТ-тай эсэхийг тодорхойлж НӨАТ-н үзүүлэлт сонгоно.

Харин цэнхэр хэсэгт орлогодож буй үндсэн хөрөнгийн мэдээллийг бүртгэнэ. Үндсэн хөрөнгийн ерөнхий ангиллыг сонгож, тухайн үндсэн хөрөнгийн дахин давхардахгүй кодыг, нэрийн хамт бүртгэнэ. Ямар байрлал дээр орлого хүлээн авч байгааг сонгоно. Анхны өртөгт тухайн үндсэн хөрөнгийг ашиглаж эхлэх хүртэлх нийт зардлыг багтааж тооцон бүртгэнэ. Салбар хооронд өмнөх үеийн элэгдэлтэй нь хүлээн авч буй бол хуримтлагдсан элэгдэл талбарыг ашиглаж бүртгэнэ. Мөн үндсэн хөрөнгийн элэгдэж дуусах утгыг үлдэх өртөг талбараар тохируулж бүртгэнэ. Тухайн үндсэн хөрөнгийн нэг жилд элэгдэх хувийг гараас тохируулж бүртгэнэ. Үндсэн хөрөнгийг элэгдлийг тохируулсан хувийн дагуу цаашид байгуулдаг болно. Татварын зориуулалтаар хуулийн дагуу хувь хэмжээг оруулбал зохимжтой. Ашиглаж эхлэсэн огноог тохируулна.

Хадгалах товчоор хадгалах ба ажил гүйлгээ болгох төлбөрийн хэрэгсэл нь тодорхой бол харилцсан данс дээр тохируулж хадгална. Нийлмэл гүйлгээ бүртгэх бол харилцсан дансыг сонголгүй хадгалж гүйлгээний мэдээлэл товч даран улмаар шинэ гүйлгээ товчийг ашиглан ажил гүйлгээ болгож бүртгэнэ. Гүйлгээний мэдээлэл болон ажил гүйлгээ болгох үйл явцыг гарын авлагын нийлмэл гүйлгээ хэсгээс харна уу.

Үндсэн хөрөнгийн актлалт, худалдан борлуулалт болон бусад зарлагыг хэрхэн бүртгэх тухай дараах зургаар харуулав. Орлогын гүйлгээний цонхны ижил баримтын мэдээлэл үндсэн хөрөнгийн зарлагын мэдээлэл хоёр хэсгээс бүтнэ. Үндсэн хөрөнгийн зарлагын гүйлгээний аль төрөл болохыг харьцсан дансны мэдээллээр ялгана.

Үндсэн хөрөнгийн актлах цонх нь үндсэн хөрөнгийн дансыг анхны өртгөөр, хуримтлагдсан элэгдлийн дансыг нийт хуримтлагдсан элэгдлийн дүнгээр тус тус бууруулж дансны бичилтийг үүсгэдэг. Үүндээр нэмээд олз гарз хүлээн зөвшөөрх талаар нэмэлт дансны харьцааг хэрэглэгч тохирох журналаар гүйцэтгэнэ.

Зарлагадах үндсэн хөрөнгийн ерөнхий нэр төрлийг сонгоход хамаарал бүхий орлогын эсвэл эхний үлдэгдлээр тодорхойлогдох бодит үндсэн хөрөнгийн жагсаалт холбогдох орлогын гүйлгээ талбарт шүүгдэнэ. Үүнээс зарлагадах үндсэн хөрөнгийг кодоор ялган сонгож зарлагадана. Ингэснээр тухайн үндсэн хөрөнгийн өмнөх үеийн хуримтлагдсан элэгдэл болон бусад мэдээлэл татагдах болно. Хадгалсны дараа гүйлгээний мэдээлэл товч даран дансны харьцаа ерөнхий журналд хэрхэн тусч буй талаарх мэдээллийг харах боломжтой.